जय जय सद्गुरु स्वामी समर्था...

आरती स्वामी राजा, जय जय सद्गुरु स्वामी समर्था ।
आरती स्वामी राजा, पूर्णब्रह्म तुम्ही श्री गुरुदत्त ॥ धृ ॥

अक्कलकोटी वास केला, दाविला चमत्कार ।
भक्त जणांचे संकट वारुनी, केले तो उद्धार ॥ १ ॥

अजानबाहु शोभति, कानडया विठ्ठला ।
पाहूनी स्वामी चरणा, मन हे वेडावले ॥ २ ॥

त्रिगुणात्मक त्रिमूर्ती दत्त हा जाणा...

त्रिगुणात्मक त्रिमूर्ती दत्त हा जाणा ।
त्रिगुणात्मक त्रिमूर्ती दत्त हा जाणा, सद्गुरु दत्त हा जाणा ॥
त्रिगुणी अवतार त्रैलोक्यराणा, नेती नेती शब्द न ये अनुमाना ॥ १ ॥

सबाह्य अभ्यंतरी तू एक दत्त, अभाग्यासी कैची कळेल ही मात ।
पराही परतली तेथे कैचा हेत, जन्ममरणाचा पुरविला अंत ॥ २ ॥

निःशंक हो निर्भय हो मना रे...

निःशंक हो निर्भय हो मना रे ।
प्रचंड स्वामीबळ पाठीशी रे ॥
अतर्क्य अवधूत हे स्मरणगामी ।
अशक्य ही शक्य करतील स्वामी ॥ १ ॥

जिथे स्वामी चरण तिथे न्यून काय ।
स्वये भक्त प्रारब्ध घडवी ही माय ॥
आज्ञेविना काळ ही ना नेई त्याला ।
परलोकी ही ना भीती तयाला ॥ २ ॥